Runway sa Mactan-Cebu International Airport (MCIA), nahuman na

Regional

Lapu-lapu City, Cebu – Hingpit na nga nahuman ang gitrabaho nga asphalt overlay sa runway sa Mactan-Cebu International Airport (MCIA). Nunot niini, balik na sa naandan ang operasyon sa MCIA.

Gipahibawo ni Atty. Steve Dicdican, General Manager sa MCIA, nga natapos ang runway rehabilitation sud sa 21 ka adlaw nga gisugdan niadtong Setyembre 1 nga maoy ilang target date of completion.

Samtang nakatampo ang bag-ong Terminal 2 sa MCIA sa dihang nasulod sa 9th place sa Top 10 “Most On-Time Airport” sa Southeast Asia sa Agosto ning tuiga.

Mapasalamaton ang opisyal sa tanang nahimong kabahin sa proyekto ingon man ang upat ka mga kontrator nga taliwala sa mga kalisdanan nga ilang nasugatan ilabi na nga nag sunod-sunod ang bunok sa uwan, lakip na niadtong hulga sa Bagyong  Ompong, hingpit ra gyud nga nahuman ang pagtrabaho sa runway sa maong airport. (dyar765cebu/genevive_ocampo)

Leave a Reply

Your email address will not be published. Required fields are marked *