Upat sa dakong opisyales sa MGB 7, gipang relibuhan

Regional

Cebu City – Gipahibawo kini mismo ni Department of Environment and Natural Resources Secretary Roy Cimatu human sa iyang pagbisita ug pag susi sa lugar nga nadahilian sa yuta.

Ang gipangrelibuhan mao sila si MGB 7 Regional Director Loreto Alburo, Atty. Gerardo Mahusay, Chief sa Finance and Adminstrative Division, kinsa mao usab ang nipirma sa Memorandum nga gipada ngadto kay City of Naga Mayor Kristine Chiong niadtong Agosto 29 kalabot sa giingong luwas ra nga mopahigayon og quarry and Apo Land and Quarry Corporation bisan sa mga nakit-ang pagpangliki sa Sitio Tagaytay, Barangay Tina-an, Dakbayan sa Naga.

Samtang laing duha nga girelibuhan mao ang Supervising Geologist nga si Dennis Aleta ug Chief Geologist Al Emil Berador.

Gipasabot ni Cimatu nga wa kini nagpasabot nga gihukman na sila nga sad-an, apan kini aron sa paghatag og patas nga imbestigasyon.

Mopada sab si Cimatu og fact-finding team nga gikan sa ilang ulohang buhatan aron maoy mohimo sa imbestigasyon sa landslide niadtong huwees sa buntag ingon man ang pag re-assess sa geo-hazard map sa dakbayan sa Naga, kon unsa pang mga lugara ang kuyaw sa pagdahili sa yuta. (dyar765cebu/genevive_ocampo)

Leave a Reply

Your email address will not be published. Required fields are marked *