Mga Turista sa Boracay limitado lang

Regional

 

Boracay Island – Limitahan lang sa 19,000 sa Department of Environment and Natural Resoruces o DENR ang mga turistang mahimong modu-aw sa isla sa Boracay matag adlaw.

Kini matud pa ni DENR Secretary Roy Cimatu subay na sab sa gitakdang subling pag-abli sa isla sa publiko karong Oktubre 26 sa kasamtangang tuig.

Matud pa sa kalihim, gilaumang mosaka pag usab ang carrying capacity sa isla pag abot sa sunod nga tuig, hinungdan nga gikinahanglang nilang magpatuman og balaud aron dili maabuso ang isla.

Human ang unom ka bulan nga rehabilitasyon sa isla, gibutyag sab sa kalihim nga luwas na sab ang pagligo sa Bulabog Beach nga maoy nakitaan og hugaw nga tubig gikan sa sewerage pipes sa mga balay og establisyemento nga iligal nga nakakabit sa mga rain water pipes nga maoy hinungdan sa pagkahugaw sa tubig sa maong dapit. (dyar765cebu/genevive_ocampo).

Leave a Reply

Your email address will not be published. Required fields are marked *