Bayad sa Whale Shark watching sa Uslob, patas-an

Regional

Cebu City – Tinguha nga patas-an nalang sa mga operator ang bayad alang sa mahimong maka-whale shark watching sa Oslob .

Tumong niini aron paubsan ang carrying capacity o ihap sa mga turista alang sa maong aktibidad ug  alang na sab  sa pag-proteher sa kadagatan ingon man sa mga butanding ug mismo sa mga turista.

Mao kini’y ang gitug-an ni bise gobernador agnes magpale subay sa tinguha nga di usab maapektohan ang kita o panginabuhian sa mga sakop sa asosasyon sa mga boat men nga maoy nag-atiman sa kalihukan sa Brgy. Tan-awan.

Gitug-an ni magpale nga wala pay nauyonan nga carrying capacity nga ipatuman apan nagkauyon na siya ug ang mga stakeholder nga sama sa Department of Tourism ug ilabi na ang mga operator, nga kuhaan  na og katunga ang gidaghanon sa mga bisita nga mosuroy matag adlaw. (dyar765cebu/genevive_ocampo)

Leave a Reply

Your email address will not be published. Required fields are marked *