Pagsulod sa Isla sa Boracay sa mga langyaw ug lokal nga turista, higpitan

Regional

Cebu City – Gihigpitan sa DENR o Department of Environment and Natural Resources ang pagsulod  sa mga langyaw ingon man sa mga lokal nga turista sa Isla sa Boracay sugod karong adlawa, Oktubre 15.

Mao kini ang gitataw ni DENR Spokesperson Usec. Jonas Leones subay sa gipahigayon nga dry run o partial re-opening sa maong  isla human kini gipaubos sa unom ka buwan nga rehabilitasyon.

Matud pa ni Leones, tumong sa maong dry run nga makita kon ma-istudyohan kun nahimong epektibo ang mga gihimo nila nga lakang aron hingpit na nga malimpyo ang tubig sa isla sa di pa kini ablihan sa Oktubre 26.

Una na nga giingon ni Leones nga moabot sa sinto singkwenta’y singko (155) ang gitugutan nga subling mag-operate sa pag-abli sa isla human makatuman sa ilang gitakdang regulasyon.

Kahinumduman nga gitawag niadto ni Presidente Rodrigo Duterte nga cesspool ang Isla sa Boracay nunot sa over populated o sobra kadaghan  sa mga taong nibisita hinungdan nga kini gipasirad-an sa publiko. (dyar765cebu/genevive_ocampo)

Leave a Reply

Your email address will not be published. Required fields are marked *