DOH-7, nabalaka sa nagkataas nga kaso sa tipdas sa Central Visayas

Regional

Cebu City – Nunot sa kataas sa pagsaka sa kaso sa tipdas sa Central Visayas kun itandi sa nilabay nga tuig, nabalaka na ang Department of Health niini.

Nasayran nga sa Enero hangtud Oktubre sa niaging tuig, adunay 44 ka kaso ug walay patay samtang karong tuiga adunay 290 ka kaso ug usa ang patay.

Nag-una sa top 5 sa listahan mao ang Dumaguete City, Bacong, Cebu City, Sibulan ug Larena.

Gikatakdang mopahigayon ang DOH-7 og mass immunization ilabi na sa kabataan karong katapusan sa buwan sa Oktubre o sa Nobyembre nunot na sab sa kataas sa porsyento sa pagsaka samang kaso.

Matud ni Ruff Vincent Valdevieso, Program Coordinator sa expanded immunization program sa DOH, nga ilang himoon ang pagpamakuna aron sa pagseguro nga ang maong sakit dili makalipang tungod kay ang mga bata edad og unom ka buwan hangtud 59 ka buwan kinahanglan makadawat og one dose vaccine sa Measles, Mumps ug Rubella o ang MMR. (dyar765cebu/genevive_ocampo)

Leave a Reply

Your email address will not be published. Required fields are marked *