Lungsod sa Liloan dinhi sa Sugbo, Sister City’ na sa Davao city

Regional

Cebu City – Usa ka kasabutan ang gipirmahan aron adapon sa Davao city ang lungsod sa Liloan dinhi sa Sugbo isip Sister City.

Ang pagpirma sa kasabutan, gihimo sa Panphilo Frasco Memorial Sports Complex sa Liloan nga gitambungan ni Davao City Mayor Sara Duterte-Carpio ug Liloan Mayor Christina Garcia-Frasco.

Ubos sa maong kasabutan, mag coordinate ang Davao City ug ang Liloan sa mga government project.

Matud pa ni Mayor Sara, buot nila nga maimplementa sab sa Liloan ang mga maanindot nga proyekto sa Davao City ilabi na ang mahitungod sa edukasyon.

Nasayran nga dungan sa pagpirma sa kasabotan, nang-apud-apod sab si Mayor Sara og scholarship Certificates sa 3,500 nga mga tinun-an sa liloan. (dyar765cebu/genevive_ocampo)

Leave a Reply

Your email address will not be published. Required fields are marked *