Modernong Fishport, gisugdan na og tukod sa Cebu

Regional

Cebu City – Gisugdan dayon sa contractor ang pagtukod sa P92 milyones nga Integrated Development sa modernong Fishport human sa groundbreaking, sa Barangay Suba, Dakbayan sa Sugbo.

Ang seremonyas sa katukoran gitambungan mismo ni Mayor Tomas Osmeña, Kongresista Rodrigo Abellanosa, businessman Liglig Marangga ug mga kaalyado sa BOPK.

Sigun pa ni Abellanosa nga aduna nay P22 milyones ug laing P20 milyones alang sa Fishport ug laing duha ka P25 milyones nga iyang gipasud sa General Appropriations ACT of 2019 aron ipatiwas sa proyekto.

Si Marangga kinsa maoy unang nagdamgo sa proyekto nga mapatuman sa iyang Barangay niingon nga ilang gisunod ang estilo sa Sydney didto sa Australia ug Canada.

Nasayran nga adunay mga restaurant sa second floor ang maong Fishport ug ang ikaduhang building pulos Restaurant, adunay mini park, boardwalk nga mag-atubang sa dagat sa south road properties.

Nagkanayon si Marangga kinsa nakig-alayon ni Architect Jun Palafox ug sa buhatan ni Abellanosa aron mahimong tinuod ang iyang damgo kansang pagplano nagsugod sa niaging tuig.

Si abellanosa sa iyang bahin nagkanayon nga gawas sa Fishport, trabahuon usab ang Seawall aron di maapektuhan ang merkado sa higayon mga adunay kusog nga bawod. (dyar765cebu/genevive_ocampo)

Leave a Reply

Your email address will not be published. Required fields are marked *