Cebu City – Nakig-meeting si Israeli Ambassador Rafael Harpaz ug iyang mga delegado sa ubang mga lokal na opisyales ug mga negosyante dinhi sa sugbo.
Unang nakighimamat ang Ambassador kang Gov. Hilario Davide ug Mayor Tomas Osmena sa Cebu City ingon man kang Mandaue City Mayor Luigi Quisumbing.
Matud pa sa Ambassador, pipila sa mga nahisgutan, mao ang pagpalig-on sa pagpakig-alayon sa duha ka nasud sa natad sa turismo, teknolohiya ug seguridad.
Nakighimamat sab ang maong opisyal sa mga business sector lakip na ang Cebu Chamber of Commerce and Industry alang sa pagpa lawig og trading partners sa duha ka nasud.
Sigun pa ni Harpaz, pipila sa mga produktong pinoy nga nakaabot na sa nasud Israel, mao ang mga prutas, dried mangos ug mga semi conductors.
Kahinumduman nga, una na nga gipirmahan ni Presidente Rodrigo Duterte ang kasabutan sa nasud Israel alang sa usa ka oil exploration. (dyar765cebu/genevive_ocampo)
