Cebu City Transportation Office magpahigayon ug Traffic Re-routing

Regional

Cebu City – Adunay re-routing plan nga giandam ang Cebu City Transportation Office alang sa mga  motorista nga subay sa pag obserbar sa  adlaw sa mga santos ug kalag.

Subay niini, giawhag sa Cebu City Transportation Office ang mga motorista nga mosunod sa traffic re-routing plan ug park sa mga designated area aron malikayan nga mabalda ang dagan sa trapiko.

Sumala pa sa operations head sa CCTO nga si Francisco Ouano nga ang iyang buhatan molugak sa pagpatuman sa clamping ug towing ordinance batok sa mga motorista nga ilegal nga mo-park sa sidewalk basta ang mga motorista dili lang mag double park.

Sa traffic advisory, ang CCTO miingon nga ang designated parking area sa Lorega San Miguel Cemetery anha sa walang bahin sa Gen. Echavez extension ug ang loading ug unloading sa mga pasahero sa may tuong bahin sa maong dalan.

Sa Carreta cemetery ang parking area diha sa Gen. Maxilom Ave. ug ang loading ug unloading duol sa entrance sa maong sam-ang.

Mo-implementar ang CCTO og “No Parking” policy sa isig ka habig sa M.J. Cuenco Ave. samtang ang loading ug unloading area, sa may tuong bahin sa gate sa Chinese Cemetery paingon sa Mactan Road. (dyar765cebu/genevive_ocampo)

Leave a Reply

Your email address will not be published. Required fields are marked *