Kompanya nga LEOTEK, magsugod ug monitor sa trapik sa syudad sa Sugbo

Uncategorized

Cebu City – Usa ka kompaniya nga nagbase sa california nga mao ang Leotek, ang magsugod na sa pag-monitor sa sitwasyon sa trapik sa siyudad sa sugbo.

Sumala pa ni  Konsehal Jerry Guardo kinsa Chairman sa Committee on Transportation sa konseho sa siyudad, nga human nipresentar ang Leotek sa ilang teknolohiya sa pag-monitor sa trapik, nitugot ang siyudad nga magsugod sila sa dry run karong Nobyembre.

Maoy subject sa test run sa Leotek ang intersection sa may M.J. Cuenco Avenue pinaagi sa pag-install og Closed Circuit Television (CCTV) cameras sa maong lugar aron masuta kun makapalambo ba kini sa traffic system sa dakbayan.

Nasayran nga niadtong Septyembre nahimamat ni Guardo ang Leotek human sa ilang pagbisita sa taiwan diin ang maong kompaniya maoy nag-instalar og cameras sa mga intersections sa maong nasud.

Nakahatag og disiplina sa mga drayber sa maong sistema hinungdan nga wala magduha-duha ang siyudad nga makig-alayon sa Leotek.

Ang siyudad ug ang leotek gikatakdang magpirmahay og Memorandum of Agreement (MOA) alang niini. (dyar765cebu/genevive_ocampo)

Leave a Reply

Your email address will not be published. Required fields are marked *