Nangamatay sa sakit nga Dengue sa dakbayan sa Sugbo, nikunhod

Regional

Cebu City – Anaa sa 69 porsiyento ang pagkunhod sa mga namatay sa sakit nga Dengue karong tuiga kon itandi sa miaging tuig sa dakbayan sa Sugbo.

Kahinumduman nga niadtong 2017, adunay 39 ka mga tawo ang nakalas gikan sa 2,255 ka mga nataptan sa balatian kinsa nalandig sa publiko ug pribadong mga tambalanan sa siyudad.

Base sa talaan sa samang panahon ning tuiga, 12 na lang ang nakabsan sa ilang kinabuhi gikan sa 1,738 ka mga kaso nga natala sa Cebu City Health Department.

Nius-os usab ang gidaghanon sa mga tawo nga nataptan sa sakit sa 80 ka Barangay sa siyudad.

Sumala pa ni Konsehal Mary Ann Delos Santos, Deputy Mayor on Health, nga kadtong mga barangay kinsa daghan og natakboyan sa sakit mao ang Pahina Central, Banilad, Busay, San Roque, Calamba, Apas, Sto. Niño, Kamagayan, San jose ug Sambag II. (dyar765cebu/genevive_ocampo)

Leave a Reply

Your email address will not be published. Required fields are marked *