Nipatay sa 23 anyos nga dalaga nga usa ka working student, nadakpan na

Regional

Cebu City – Nadakpan na sa mga sakop sa Waterfront Police Station ang nipatay sa 23 anyos nga dalaga nga usa ka working student sa barangay tinago, cebu city niadtong dominggo sa kaadlawon, Nobyembre 4.

Nailhan ang salarin nga si Emelito Familar, Jr. sa balay sa iyang uyoan sa siyudad sa Mandaue human niini mapatay si Charice Mae Mancia sud sa giabangang lawak niini.

Sumala pa ni Sr. Inspector Joemar Pomarejos, Hepe sa Waterfront Police Station, mismo ang ang uyoan na ni Familar ang nipahibawo kang PO1 Edmundo Rizarri sa Abellana Police Station sa Cebu City Police Office (CCPO) sanglit managsilingan ra sila sa Barangay Tinago.

Ang salarin niangkon  nga lungkab ug mangawat unta siyag mga kabtangan sa balay, apan nakit-an siya ni mancia hinungdan nga iya kining gigul-gulan og liog ug gidunggab nga maoy hinungdans a hinananling kamatayon sa biktima. (dyar765cebu/genevive_ocampo)

Leave a Reply

Your email address will not be published. Required fields are marked *