Pagpanulis ug pagpusil-patay sa usa ka taxi driver sa dakbayan sa sugbo, gilaumang masulbad dayon

Regional

Cebu City – Gilaumang masulbad gilayon ang pagpatay sa taxi driver human makuhai og hulagway sa dashcam ang nipusil -patay ug gituohang nitulis sa biktima sa alas 3 pasado sa kaadlawon sa martes, Nobyembre 7.

Duha ka mga tawo ang gitumbok nga nipusil sa Ken Taxi Driver, Victorio Molina, 57, taga dan Logarta, Dakbayan sa Sugbo sa may Nala village, Barangay Tisa.

Revolver ang gituohang gigamit sa pagpusil.

Sumala pa ni SPO1 Jojie Magdadaro, imbestigador sa Punta Princesa Police Station, nga naigo si Molina duol sa tuong dunggan.

Tulis ang usa sa gitan-aw nga motibo sa mga imbestigador sa tisa sanglit mga sinsilyo na lang ang ilang nakuha sa may dash board sa sakyanan, gawas sa kapin sa p1,000 nga gitago niya sa iyang bag nga gibutang sa iyang kilid nga wa makuha. (dyar765cebu/genevive_ocampo)

Leave a Reply

Your email address will not be published. Required fields are marked *