Mga drayber ug konduktor nga taas maningil og plitehan, silutan

Regional

Cebu City – Gipadayag ni Julieto Flores, presidente sa Cebu provincial bus ug minibus operators transport cooperative, nga andam nga silotan sa mga bus ug mini bus operator ang ilang mga drayber ug konduktor sa higayon nga mohimo kini og binuang sama sa pagpaningil og mahal nga pletihan.

Kini human siya nakadawat og daghang reklamo gikan sa mga sumasakay diin mas taas ang pletihan sa adlaw nga biyernes, sabado ug dominggo itandi sa laing mga adlaw.

Gawas niini, lakip sa gustong ipatuman ni flores mao nga wala nay mga pasahero nga magbarog mosakay sa bus ug minibus diin sa daw gipangdasok na ang mga sumasakay.

Lakip sa silot nga ipahamtang sa mga operator mao ang pagsuspenso sa drayber ug konduktor ug ang labing sakit mao ang pagtangtang kanila sa trabaho.

Si Flores niawhag sa mga pasaheros sa pagkuha sa pangalan sa bus, plate number, oras ug lugar sa pagkahitabo ug ipadangat sa iyang opisina. (dyar765cebu/genevive_ocampo)  

Leave a Reply

Your email address will not be published. Required fields are marked *