Emergency Department sa Vicente Sotto Memorial Medical Center, gi abrihan na sa publiko

Regional

Cebu City – Bukas na sa publiko labing bag-o nga Emergency Department sa Vicente Sotto Memorial Medical Center dinhi sa sugbo nga gisubhan niadtong miyerkules sa mga opisyales sa ospital ug sa Department of Health.

Sumala pa ni Dr. Marie Leo Fidel Pataray, Emergency Dept Head, nigasto ang ospital og 50 milyones ka pesos alang sa renovation sa edipsisyo ug 45 milyon na sab sa mga ekipo, mga pondo ubos sa Health Facilities Enhancement Program sa DOH.

Ang maong pasilidad, dunay 100 bed capacity, mga modern nga equipments, dunay kaugalingon nga  satellite laboratory, pharmacy, emergency operating area, xray ug uban pa.

Sumala pa ni Dr. Gerardo M. Aquino Jr. – Medical Center Chief sa ospital, ang emergency department  facility, pipila lang sa mga bag-o nga pasilidad sa VSMMC nga ilang himuong moderno nunot sa kasamtangan na sab ang konstruksyon sa cancer center building.

Matud pa ni aquino, kini ang labing una nga cancer facility sa tibuok visayas nga dunay  modernong equipment ug facility sama sa  emergency department.

Ang Vicento Sotto Memorial Medical Center dunay level  3 hospital ug ubos sa pag-atiman sa   Department of Health. (dyar765cebu/jimrey_biosa)

 

Leave a Reply

Your email address will not be published. Required fields are marked *