Cebu Provincial Health Office nikunhod ang pondo

Regional

Cebu City – Nikunhod og P140 milyones ang gipangayo nga pundo sa Provincial Health Office alang sa 2019 gikan sa P773.9 milyones karong tuiga ngadto na sa P633.8 milyones.

Sumala pa ni Dr. Rene Catan, pangulo sa PHO, nga pipila sa mga kinahanglan sa ilang buhatan aduna nay budget karong tuiga.

Nasayran nga labing daku sa ilang gisugyot nga budget sunod tuig alang sa special project allocation (SPA) sa kantidad nga P473 milyones gikan sa P637 milyones karong tuiga.

Gipasakaan gikan sa P85 milyones ngadto na sa P94 milyones ang personnel services (PS) sa PHO ang nunot sa padayong pagpanguha og dugang medical personnel alang sa mga provincial ug district hospitals.

Samtang nikunhod gikan sa P48 milyones ngadto nalang sa P14 milyones ang maintenance and other operating expenses. (dyar765cebu/genevive_ocampo)

Leave a Reply

Your email address will not be published. Required fields are marked *