Biyahe sa mga barko, balik na sa normal ang operasyon

Regional

Cebu City – Balik na sa normal ang biyahe sa mga barko ug klase sa mga tunghaan nga apektado sa bagyong samuel sa Eastern Visayas.

Gilibkas na sa Philippine Atmospheric Geophysical and Astronomical Services Administration (PAG-ASA) alas 11:00 kagahapon, ang storm signal sa Eastern Visayas.

Samtang  ang Philippine Coast Guard-Eastern Visayas, nihatag na og permiso sa tanang shipping companies sa pagpabiyahe sa mga barko ug fastcraft.

Taas nga pila ang nasinati sa mga ticketing offices gumikan sa mga nagpa-re-schedule sa ilang biyahe.

Samtang ang mga lokal nga kagamhanan nga nagdeklara og class suspension, milibkas na usab sa ilang deklarasyon ug duna nay klase karong adlawa.

Gisusi pa usab sa Agriculture ug Engineering offices sa mga apektadong lugar ang kadaot nga namugna ni Samuel. (dyar765cebu/genevive_ocampo)

Leave a Reply

Your email address will not be published. Required fields are marked *