Lain na sab nga International Port, tukuron sa Sugbo

Regional

Cebu City – Gikatakda nga tukoron sa sugbo ang lain na sab nga International Port, nga anha mahimutang sa Dakbayan sa Talisay.

Kagahapon adlawng Martes, Nobyembre 20, pormal nang nag-groundbreaking sa sa fishport sa Barangay Tanke, talisay ang P10 bilyones nga Cebu South Harbor and Container Terminal Corporation.

Tumong sa maong World Class Private commercial port facility nga molambo pa ang komersyo ug makamugna og dugang trabaho.

Nasayran nga aduna’y gilapdon nga 25 ektarya ang CSHCTC port diin 18 ektarya niini alang sa container stacking o 20,000 ka mga twenty-foot equivalent unit nga mga container.

Sumala  sa Consultant sa CSHCTC nga si Cecile Bitare nga bag-ong kompaniya sila ug mao usab kini ang labing una nga proyekto nila sa nasod.

Apan di na bag-o sa mga incorporators ang pagdumala sa mga pantalan.

Gikatakdang sa 2019, sugdan ang pagtukod niining nga pantalan ug gilauman nga mahuman sa 2021. (dyar765cebu/genevive_ocampo)

Leave a Reply

Your email address will not be published. Required fields are marked *