DENR Sec Roy Cimatu, nitambong sa 4th International River Summit sa dakbayan sa Mandaue

Regional

Cebu City – Gitahasan ni  DENR Sec. Roy Cimatu ang tanang  mga Regional Director sa ahensya sa tibuok nasud  nga maoy mopasiugda sa paglimpyo sa mga  suba sa ilang dapit.

Gumikan kini  sa nagkagrabeng  sitwasyon sa  kadaghanang  mga  suba  sa nasud.

Mao kini ang sentro sa mensahe sa kalihim  atol sa iyang pagtambong isip guest of honor sa gipahigayon nga  4th International River summit nga gi-organisar sa local government sa dakbayan sa Mandaue.

Matud pa sa kalihim, iyang gikasubo  nga dungan sa pag-uswag, kasagaran  nahugawan  sab ang mga suba.

Nahatag na sab sa kalihim  ang iyang kamanduan sa mga Regional Directors unom ka buwan na ang milabay,  og aduna nala’y unom ka buwan nga nahabilin  sa paglimpyo sa mga suba.

Nasayran nga adunay kapin  400 suba  sa tibuok nasud  ug dinhi   matud pa  ang adunay labing daghang suba sa tibuok kalibutan.

Dugang pa ni Cimatu, nga iyang pasidunggan ang mga  kawani nga makalimpyo sa suba nga sakop niini. Gipasidan-an sab  sakalihim  ang mga ahensiya nga dili musunod sa  mando niini. (dyar765cebu/genevive_ocampo)

 

Leave a Reply

Your email address will not be published. Required fields are marked *