Sanitary landfill ng cebu, himuong terminal ug parke

Regional

Cebu City – Nisumiter si Cebu City Mayor Tomas Osmena og  proposal sa lgu og tulo ka rekomendasyon.

Diin gitudlo sa mayor ang Full Advantage Philippines International Inc. nga mopahigayon og pakisusi alang sa Inayawan Sanitary Landfill. Kini human sa pipila ka buwan  nga  gipasirad-an sa Court of Appeals ang  maong  basurahan sa  dakbayan.

Sumala pa Nida Cabrera, Cebu City Environment and Natural Resources Office, buot sa full advantage nga magtukod og Waste-to-Energy (WTE) facility alang sa tulo ka ektaryang service area, himuong terminal ang 12 ektarya o di kaha usa ka children’s park o solar-powered recreational center.

Gibana-banaang duna’y 1.1 milyon ka  toneladang basura ang maong  landfill area, diin ang  600,000 nga tonelada niini, ibalhin ug ang nahabilin nga 500,000 nga tonelada, ipatag na lang sa susamang dapit ug tabunan og yuta nga dunay upat ka metros aron makonhuran ang gasto sa syudad.

Hayan  sab kining makahimo  og  12 megawatts nga kuryente kon gamiton isip Biomass.

Sa kasamtangan, anaa pa lang sa draft ang maong rekomendasyon.

Gikatakda sab kining ipresentar sa mayor sa mga musunod nga semana ug isumiter sab sa Environmental Management Bureau (EMB) aron kini masuta. (dyar765cebu/genevive_ocampo)

Leave a Reply

Your email address will not be published. Required fields are marked *