Budget sa Mandaue City, ningkunhod

Uncategorized

Cebu City – Gipasabot  karon sa  city treasurer sa syudad sa mandaue  nga  ang pagkunhod sa 2018 budget gumikan sa ilang gipatuman nga zero-based budgeting, nga mao usab ang mandato sa national government.

Nasayran nga mokabat sa P2.4 bilyones  lang ang gi-propose nga budget sa Mandaue city treasurer’s office alang sa sunod tuig.

Kini mas ubos sa 2018 budget nga P2.7 bilyones.

Sumala pa ni Atty. Regal Oliva, ang city treasurer, nga kasagaran sa mga buhatan kaniadto, ang mo-budget alang sa dugang ekipo o giplanuhan nga kalihukan, apan wa diay magamit, hinungdan nga karon wa na nila kini gipatuman.

Iya gipasabot nga kon unsa lang ang nagasto sa matag departamento sa mga nangaging katuigan, mao lang usab ang gigahinan karon.

Si oliva  nagkanayon nga sa niaging tuig nga proposed budget alang sa 2018, niabot sa P4.7 bilyones kay lakip na unta niini ang utangon nga alang sa new government center, nga hangtud karon gikumbate pa sa konseho.

Wala na malakip alang sa 2019 proposed budget ang government center hinungdan nga balik sa p2.4 bilyones.

Adunay pag-us-os nga 12 ngadto sa 19 porsyento ang budget sa halos tanan nga buhatan. (dyar765cebu/genevive_ocampo) 

Leave a Reply

Your email address will not be published. Required fields are marked *