Tulisan ug Kawatan sa Mandaue City, nadakpan

Regional

Mandaue City – Nadakpan sa subangdaku pulis pinaagi sa buy-bust operation ang notado ug idlas nga tulisan ug kawatan sa dakbayan sa Mandaue, kinsa sulod na sa halos duha ka bulan nga gipangita sa kapulisan.

Samtang laing 31 pa ka mga tawo ang nasikop atol sa gipahigayon nga localized Synchronized Enhanced Managing of Police Operations (SEMPO), sa Mandaue City Police Office (MCPO), sa niaging semana.

Nasayran nga sulod na sa dul-an duha ka bulan nga giangkon sa pangulo sa mcpo nga nahimo nila nga problema ang mga nahitabo nga pagpanulis sa mga pipila ka establisimento, gawas sa tulis sa mga pampubliko nga sakyanan, sa maong siyudad.

Niadtong abril 30, 2019, nasikop sa mga pulis sa mcpo ang tulo ka mga gitudlong manulis sa mga establisemento, sama sa mga spa, salon, burger shop ug uban pa, diin matud sa director sa mcpo nga si Police Colonel Julian Entoma nga ang pangulo niini ang usa ka giila nga Johnny Danuco.

Niadtong biyernes sa kaadlawon, Mayo 24, atol sa gipahigayon nga buy-bust operation, sa subangdako police, sa may mantawi drive, sa barangay subangdaku, nasikop si Danuco, 35-anyos.

nakuha gikan kang danuco ang siyam ka pakete sa gituohang shabu. (DYARNewsCenter/GO)

Leave a Reply

Your email address will not be published. Required fields are marked *