DTI-7, nagpagawas na og bag-ong Suggested Retail Price alang sa mga school supplies

Metro News

Cebu City – Nagpagawas na og bag-ong Suggested Retail Price kon SRP ang Department of Trade and Industry kon DTI-7 alang sa mga school supplies.

Kini kalabot sa umaabot nga pag-abli sa klase sa hunyo tres sunod semana.

Sa kasamtangan mapalit na sa P 18 hangtod P 22 ang notebook nga composition ug writing mas taas kini kun itandi sa presyo sa miaging tuig nga mapalit lng sa P16 hangtod P18.

Ang notebook spiral mapalit na usab og P18 hangtod P24 mas taas usab kini kun itandi sa miaging tuig.

Ang writing pad papers alang sa Grade 1 hangtod Grade 4 mapalit na sa otso pesos hangtod disi-sais pesos,taas usab kini kun itandi sa presyo sa miaging tuig.

Samtang sa intermediate nga papel mapalit sa desi sais pesos hangtod sa trayntay dos pesos taas gihapon kun itandi sa milabayng tuig.

Sa lapis usab mapalit na karun sa P 18 hangtod P 39 mas taas gihapon kun itandi sa miaging tuig.

Sa ballpen misaka usab ang SRP diin mapalit na og P 6 hangtod P 16.

Sa eraser walay pagsaka sa presyo diin mapalit ra gihapon og P 7 hangtod P14.

Sa krayola mapalit na og P20 hangtod P50 dipende sa klase taas gihalon kun itandi sa miaging tuig.

Sa pantahal malapit karun og P10 hangtod P39 misaka gihapon kun itandi sa milabayng tuig.

Samtang ruler mapalit og p11 hangtod p36 mas mimahal kun itandi sa miaging tuig.

Suma kang Senior Trade Industry Development Specialist Gladys Oro nga rason sa pag-usbaw sa presyo sa mga school supply mao ang pagsaka usab sa production cost.

Sa kasamtangan padayon ang gihimong monitor sa DTI-7 arun masayran kun gituman sa mga supermarket ang bag-ong SRP (DYARNewsCenter/GO).

Leave a Reply

Your email address will not be published. Required fields are marked *