Mayor’s Business Permit sa syudad sa Cebu, himuong tag duha ka tuig

Metro News

Cebu City – Mamahimo na unya nga duha ka tuig ang expiration date o renewal sa mga Mayor’s Business Permit nga iisyu sa Cebu City government kini matud pa ni Mayor-elect Edgardo Labella.

Gihulagway sa umaabot nga mayor nga dili na unya magpunsisok ang mga tawo nga maglinya matag tuig para lang ma-renew ang ilang permit sa pagnegusyo.

Nasayran nga dunay pito ka mga konsehal sa konseho sa dakbayan nga mga alyado ni labella pinangulohan ni Councilor-Elect Raymond Garcia.

Ang kasamtangang Bise Mayor niingon nga gusto niyang ipaabot ngadto sa mga negusyante sa dakbayan nga mahigalaon ang cebu city ngadto sa mga investor.

Kahinumduman nga sa administrasyon ni out-going Mayor Tomas Osmeña, daghan sa mga negusyo ang iyang gipasirad-an.

Sa pagkakaron, gitun-an pa pag-ayo ni Labella labi na ang detalye plano nga paghimo nga duha ka tuig sa business permit. (DYARNewsCenter/GO)

Leave a Reply

Your email address will not be published. Required fields are marked *