Kapin 5 Milyones nga balor sa drogas, nasakmit sa dakbayan sa Sugbo

Metro News

Cebu City – Nasakmit atol sa duha ka buy bust operations sa kapulisan ug PDEA niadtong sabado ang moabot P5.4 milyones nga illegal nga drogas batok sa duha ka gikatahapang drug pusher didto sa Barangay Pasil ug sa Labangon sa Dakbayan sa Sugbo.

Giila ang mga dinakpan sa pasil giila nga silang Jither Parba Bacante, 19, ug si Dave Pearson Cabije, 20, mga street level drug pushers ug nagpuyo sa sitio mahayahay dos sa maong barangay.

Giingong napalitan ang duha og usa ka medium size nga pakte sa gidudahang shabu ug nakuhaan pa sab og dugang tulo ka medium packs ug 12 ka dagkong bulto sa gituohang shabu nga moabot tanan og 620 gramos.

Samtang P1.2 milyon nga drugas sab ang nasakmit sa Labangon Police Station sa may Chicosan, Lower South Hills, Barangay Tisa niadtong sabado sa gabii.

Ang dinakpan mao si Wenniel Lumactod, high value target, 22, ug Cristina Echavarria, 40, taga Villagonzalo, Barangay Tejero.

Nasakmit gikan kanila ang 180 gramos nga gidudahang shabu, sling bag nga gisudlan sa drugas ug buy bust money.

Nagtingkagol na karon sa prisohan ang mga dinakpan ug pasakaan karong adlawa og kasong paglapas sa Section 5 ug Section 11 sa Article II sa RA9165. (DYARNewsCenter/GO)

Leave a Reply

Your email address will not be published. Required fields are marked *