Tariff talks tali sa Mexico ug Estados Unidos, gipangandaman na

International News

Cebu City – Nagsugod na og pangandam ang Mexico ug United States alang sa ilang paghinabi nga tumong ayuhon ang Trade Clash tali sa duha ka nasud.

Nahitabo ang Trade Clash human gianunsyo ni US President Donald Trump nga mas tas-an pa niini ang ipatong nga taripa sa mga produkto sa Mexico kun dili niini sulbaronang suliran sa nasud sa illegal immigration.

Gikumpirmar ni Mexican Economy Minister Graciela Marquez nga makig-kita kini kang US Commerce Secretary Wilbur Ross sa Washington arun tukion ang naasoy nga isyu.

Suma kang Trump nga sugod hunyo 10, patas-an og 5-25% ang taripa sa mga produkto sa Mexico kun dili nila pug-ngan ang pagdaghan sa illegal migrants sa US-Mexican border.

Una na usab niini nagpadayag og pagtugot si Mexican President Andres Manuel sa gusto ni Trump nga mas hugtan ang Migration Control sa us ug naglaom kini nga mahimong lindot ang resulta sa paghinabi sa duha ka nasud. (DYARNewsCenter/GO)

Leave a Reply

Your email address will not be published. Required fields are marked *