Unang adlaw sa pagbukas sa klase sa dakbayan sa sugbo, nahimong hapsay ug malinawon

Metro News

Cebu City – Nahimong malinawon ug hapsay ang subling pag-abli sa klase sa Guadalupe Elementary School sa dakbayan sa Sugbo.

Kini matud pa ni Neri Calago, Assistant Principal sa naasoy nga tunghaan.

Matud pa ni Calago, bisan nakasinati sila og dyutay nga kakulian ilabi na sa pagdawat og mga late enrolless lakip na ang transferees gikan sa mga probinsya ug mga kindergarten apan sa kinatibuk-an wa silay nasugatan nga suliran.

Apan suma kang calago dali ra usab naresolbar ang maong gamay nga suliran. gihimug-atan usab niini nga nakasugod dayon og klase ang mga magtutudlo.

Nasayran nga mukabat sa kapin syete mil ang mga enrolless karung tuiga sa naasoy nga tunghaan mas daghan ni kun itandi sa miang tuig nga anaa lang sa sais mil ka mga tinun-an.

Ang Guadalupe Elementary School usa sa mga daghang enrollees sa tibuok barangay sa dakbayan sa Sugbo ingon lakip na sa tibuok central Visayas. (DYARNewsCenter/BC)

Leave a Reply

Your email address will not be published. Required fields are marked *