Cebu Provincial Resource Center ni Davide, babagan ni Garcia

Metro News

Cebu City – Dili ipadayon ang katukoran sa P1.3 bilyones nga Cebu Provincial Resource center.

Mao kini ang pasidaan Governor-elect Gwendolyn Garcia sa kapitolyo ngadto ni Outgoing Gobernador Hilario Davide III ug sa contractor sa dili pa molingkod sa iyang pwesto, pipila ka semana.

Base sa managlahing suwat nga pinitsahan og Hunyo 3, 2019, si Garcia pinaagi sa iyang manlalaban ug miyembro sa transition team Frank Eduard Dinsay V, nipadayag sa iyang katuyoan nga ang pagtukod sa 20 ka andana nga edipisyo dili kabahin sa programa sa iyang pangagamhanan ug wa kini miuyon sa proyekto.

Sa buwag nga suwat alang kang Willy Te, Bise-Presidente sa WT Construction, Inc., gipasidan-an ni Garcia pinaagi sa laing manlalaban ug miyembro usab sa transition team, Marino Martinquilla nga ipatuman ang cease and desist sa maong proyekto.

Magsilbi nga final notice sa WT Construction ang maong suwat nga dili ilhon ni Garcia ang contract agreement tali sa contractor ug sa kagamhanan sa lalawigan sa sugbo nga pinitsahan niadtong Pebrero 15, 2019 sa higayon molingkod kini sa katungdanan. (DYAR765NewCenter/GO)

Leave a Reply

Your email address will not be published. Required fields are marked *