Dul-an sa nuybi sintos milyones nga balor sa shabu, nasakmit

Metro News

Cebu City – Nasakmit sa anti-illegal drug operation nga gihimo sa kapolisan sa Central Visayas ang mokabat og P858 milyones nga balor sa shabu ug niresulta sab kini sa napulo ka libo ka mga durugistang ilang nadakpan sulod lang sa usa ka tuig ubos sa direksyon ni Police Brigadier General Debold Sinas sa kapolisan sa rehiyon.

Mao kini ang gibutyag sa unang anibersaryo sa paglingkod ni sinas isip Direktor sa Police Regional Office-7.

Base sa ilang record, moabot 126 ka kilong shabu ug 128 ka kilong marijuana na ang ilang nasakmit sukad sa paglingkod ni sinas sa PRO-7.

Sa 10,178 ka tawong nadakpan tungod sa illegal nga drugas, ang 60 niini mga high value targets.
samtang miabot sa 108 ka tawo sab ang napatay atol sa operasyon kontra drugas.

Pito na ka polis nga gikatahapang nalambigit sa illegal nga drugas base na sab sa Internal Cleansing o kampanya batok sa mga badlungong polis.

Ilang gipatangtang sa serbisyo ang maong mga pulis samtang napulo ang natangtang tungod sa ubang bug-at nga kasong administratiba. (DYAR765NewsCenter/GO)

Leave a Reply

Your email address will not be published. Required fields are marked *