Lima ka Ihawan sa Sugbo, gi-rekomedar ni Osmena nga sirhan

Metro News

Cebu City – Irekomendar ngadto ni Outgoing Mayor Tomas Osmeña sa Department of Veterinary Medicine and Fisheries (DVMF) nga sirhan ang lima sa 27 ka mga ihawan sa dakbayan sa Sugbo.

Mao kini ang ang kasayuran nga gipahibawo ni Dr. Alice Utlang, pangulo sa DVMF, human iyang gipatawag ang mga operator og slaughter house para mapalambo pa ang nga ihawan ug mapahibawo sa ilang gihimo nga assessment ug evaluation.

Tumong niini nga ang moabot nga karne sa merkado limpyo.

Dugang pa ni Utlang nga nahimutang ang maong mga ihawan sa mga Barangay Capitol site, Labangon, Mambaling, Manilad ug Mabolo.

Iyang gihulagway nga way mga estruktura o building ug ang pasilidad wa makapasar sa standard.

Hinuon, walay mga taho nga nadawat ang buhatan ni utlang nga naglain ang tiyan sa tawo human nikaon og litson gikan sa maong mga ihawan.

Apan iyang gihulagway nga di sila angay magpadayon sanglit nahisupak sila sa balaod.
giawhag niya kadtong mga supplier og karne nga adto mopaihaw sa mga akreditadong ihawan aron mahimong legal ang ilang pagtumod sa baboy ug di masakmit sa mga otoridad isip hot meat. (DYARNewsCenter/GO)

Leave a Reply

Your email address will not be published. Required fields are marked *