Pribadong Landfill sa bukirang barangay sa dakbayan sa Sugbo, subling gisupak

Metro News

Cebu City – Subling nipakita sa ilang pagsupak sa sa pribadong landfill sa bukirang barangay sa Dakbayan sa Sugbo ang kapin 200 ka mga residente sa barangay Pit-os, kasikbit sa barangay Binaliw diin nahimutang ang maong pasilidad.

Ang maong mga tawo lakip sa nipirma sa signature campaign nga gilusad para mahunong ang operasyon sa landfill sanglit sila ang numero unong apektado gumikan sa kabaho sa basura nga molabay sa ilang barangay karga sa garbage trucks.

Hinuon ang kanhi kapitan ug karon kagawad sa barangay Apas Ramil Ayuman, kinsa nitabang sa 200 ka residente sa iyang barangay nga na-relocate sa binaliw nagpasalamat sa suporta sa taga Pit-os sa pagsupak sa landfill.

Unang nilusad og signature campaign mao ang taga binaliw kansang signature niabot og 400 ka mga tawo.

Gipahibawo ni Ayuman pinaagi sa iyang facebook post niini, nga niabot na ang baho gikan sa landfill didto sa barangay panoypoy, sakop sa consolacion, kasikbit sa binaliw. (DYARNewsCenter/GO)

Leave a Reply

Your email address will not be published. Required fields are marked *