6 ka tawo ug 3 ka libo nga illegal na Butane Canister, nasikop sa RSOG 7

Metro News

Cebu City – Nadakpan ang unom ka mga tawo, lakip ang tag-iya sa tulo ka libo nga butane canisters atol sa pagronda sa mga sakop sa Regional Special Operations Group (RSOG) 7 sa illegal distributor sa mga butane canister sa Barangay Tribunal, siyudad sa Mandaue ug sa Sitio Asinan, Barangay Mantuyong sa samang Dakbayan.

Ang maong operasyon nahitabo sa alas 6, sa buntag, Hunyo 5, inabagan sa Mandaue City Police Office (MCPO) nga gipangulohan ni Police Lieutenant Lino Baylosis ug Police Captain Andy Michael Roque.

Ang sakyanan nga gigamit sa paghatod sa butane canisters moa ang mga nasakmit nga mga ebedensiya .

Samtang, nikabat og 3,203 ka butane canisters nga puno sa liquefied petroleum gas LPG nga mobalor sa P 143,998 ug 454 ka empty tin canister nga adunay kantidad nga P9,988 ug ang halin nga mokabat sa P1,446.00.

Matod ni Police Major Ricardo Tero, hepe sa RSOG-7, nga adunay naka hatag kanilag impormasyon labot sa ilegal nga negosyo sa siyudad sa Mandaue.

Dali nila nga gipaubos sa validation ug surveillance ug sa dihang nagpositibo, gihimo dayon ang buy-bust. (DYARNewsCenter/GO)

Leave a Reply

Your email address will not be published. Required fields are marked *