Mga basura sa kasapaan sa Central Visayas, niminos

Metro News

Cebu City – Niminos na ang mga basura sa kasapaan sa Central Visayas human sa lapad nga pagpanglimpyo.

Sumala pa ni Regional Executive Director Gilbert Gonzales sa Department of Environment and Natural Resources (DENR) nga ang mga residente duol sa kasapaan nanghunong na sa pagpanglabay sa ilang mga basura ngadto sa sapa.

Dugang pa ni Gonzales nga bisan kon ang kalidad sa tubig miarang-arang na, gikinahanglan gihapon ang paghimo og mga lakang alang sa sewerage systems ug butangan og sewage treatment plans ang mga siyudad ug kalungsoran nga dunay naglagbas nga kasapaan.

Si gonzales niingon nga ang mga Local Government Unit (LGU) nanglimpyo usab ug nang-rehabilitate sa kasapaan, sama sa siyudad sa sugbo nga nanglimpyo sa Guadalupe ug Lahug river.

Samtang ang dakbayan sa Mandaue nanglimpyo usab sa Butuanon river.

Nasayran nga dunay 33 ka mga dagkong sapa nga giila dinhi sa Rehiyon 7, gawas sa 10 ka mga sapa nga unang gi-rehabilitate ubos sa Rivers for Life Program. (DYARNewsCenter/GO)

Leave a Reply

Your email address will not be published. Required fields are marked *