PAG-ASA, wa pa mideklarar nga ting-uwan

Metro News

Cebu City – Gitataw karon sa Philippine Atmospheric Geophysical and Astronomical Services Administration (PAGASA) nga wala pa gideklarar nga ting-uwan na.

Taliwa kini sa mga nasinati na nga kasarangan ngadto sa makusog nga mga pag-ulan niadtong biyernes, Hunyo 7 ug sabado, Hunyo 8, sa sugbo.

Si Engr. Al Quiblat, Chief sa PAGASA Visayas, mitug-an nga sa gihimo nga pagtuon sa PAGASA nga posibleng ning ikaduhang semana sa hunyo madeklarar na ang panahon sa ting-uwan ning tuiga.

Apan pipila pa sa criteria ang ilang gitan-aw karon, usa na niini nga bisan pito man lang sa 13 ka mga designated weather station sa pagasa sa western portion sa nasod ang makasinati na og lima ka adlaw nga sunodsunod nga pag-ulan.

Matod ni Quiblat, nga kon dili masunod ang pipila sa criteria, hayan nga molungtad pa hangtud sa ikatulo nga semana o sa katapusan nga bahin sa hunyo ang pagdeklarar sa pagsugod sa ting-uwan. (DYARNewsCenter/GO)

Leave a Reply

Your email address will not be published. Required fields are marked *