Operasyon sa Philhealth dili apektado sa Ghost claims

National News

Cebu City – Gisiguro sa Malakanyang nga dili apektado sa kontrobersya sa giingong “Ghost” claims ang operasyon ug serbisyo sa Philippine Health Insurance Corporation (Philhealth).

Suma kang Presidential Spokesman Salvador Panelo, secondary officials ang mopadagan sa philhealth samtang imbestigahan ang hepe sa ahensya kalabot sa milyunes nga kantidad nga giingong nawagtang tungod sa peke nga dialysis treatment.

Subay niini gimanduan usab ni Presidente Rodrigo Duterte ang mga opisya sa Philhealth nga magsumiter og courtesy resignation.

Dugang ni Panelo, masaligon gihapon si Presidente kang philhealth acting president ug CEO Roy Ferrer ug sakop sa board apan gusto niing mubiya ang mga opisyal arun dili masudlod og iregularidad ang imbestigasyon ingonman ang implementasyon sa mga polisiya sa gobyerno lakip ang Universal Health Care Act.

Mando usab ni Presidente nga imbestigahan sa National Bureau of Investigation (NBI) ang mga kanhi gihimo ug transaksyon sa Philhealth. (DYARNewsCenter/Go)

Leave a Reply

Your email address will not be published. Required fields are marked *