DOH 7 nagpahimangno sa mga sakit na makuha sa baha

Health

Cebu City – Subling nipahimangno ang Department of Health (DOH) 7 niining sakit nga makuha sa baha, hilabi na sa leptospirosis.

Subay na sab kini sa nagkaduol usab ang panahon sa ting-uwan. Hinuon, nikunhod ang kaso niini niadtong 2018 itandi sa 2017 base na sab sa datus sa ahensiya,.

Nasayran nga sa kaso niadtong nakalabay nga tuig, anaa sa 103 ang natala sa Central Visayas, diin 15 ang patay samtang sa 2017 niabot sa 170 ang natala sa rehiyon ug 23 ang patay.

Sumala pa ni Dr. Van Phillip Baton, Medical Officer III sa DOH 7, usa ning awareness sa publiko kabahin sa posibleng mahitabo sa tawo kon anaa niining sakita.

Niadtong 2018, niabot sa hapit 40 ang patay sa leptospirosis nga outbreak sa National Capital Region (NCR).

Usa usab sa gitan-aw ni Baton kining intervention sa matag Local Government Unit (LGU) sa paglimpyo sa mga drainage aron di mograbe ang baha.

ang leptospirosis makuha sa tubig, diin ang kagaw gikan sa ihi sa ilaga nga kasagaran makuha kini gikan sa baha. (DYARNewsCenter/GO)

Leave a Reply

Your email address will not be published. Required fields are marked *