DOLE Jobs Fair sa Independence Day, lapas 700,000 nga trabaho gitanyag

Metro News

Cebu City – Nagtanyag ang Department of Labor and Employment (DOLE) og anaa sa 711,672 ka mga bakante nga trabaho atol sa selebrasyon sa Independence Day niadtong adlaw nga Hunyo 12 (miyerkules).

Ang pipila ka mga dapit nga mopahigayo og jobs fair mao ang dakbayan sa Lapu-lapu, Negros oriental, ug Bohol nga ubos sa Public Employment Service Offices (PESO).

Sumala pa ni Regional Director Salome Siaton nga sa Lapu-lapu City adto kini himuon sa hoops dome sa humay-humay road diin kaabin niini ang Trabaho, Negosyon, Kabuhayan (TNK) job and business fairs.

Sa 7,090 ka mga bakante nga trabaho, 2,650 niini gikan sa 21 ka mga employer alang sa lokal nga trabaho ug 4,440 alang sa gusto nga molangyaw.

Samtang sa negros oriental, laing local ug overseas job fair ang himuon sa Lamberto L. Macias Sports and Cultural Center diin 2,684 usab ka trabaho ang gitanyag, 1,841 niini alang sa lokal ug 843 alang sa overseas.

Sa Bohol aduna’y 1,898 ka trabaho ang bakante, 601 niini kinahanglan sa lokal ug 1,297 sa laing nasod.

Sa local, sagad sa gikinahanglan mao kining customer service representatives, production workers, sales and marketing assistants, technical sales associates ug electronic assemblers.

Samtang sa laing nasod mao ang mga trabaho susama sa factory workers, cleaners, nurses, laborers, waiters, waitresses, ug assistant nurses. (DYARNewsCenter/GO)

Leave a Reply

Your email address will not be published. Required fields are marked *