Pylon sa Main bridge sa Cebu-Cordova Link Expressway (CCLEX) visible na

Business

Cebu City – Human makompleto ang tanang board piles alang sa ganton kun pylon sa main bridge, makita na karon ang kalambuan sa pagtukod sa 8.5 kilometros nga Cebu-Cordova Link Expressway (CCLEX), labina na niadtong moagi sa Cebu South Coastal Road viaduct.

Nasayran nga ang pagbubo sa kongkreto sa pile caps sa duha ka mga tower tali sa Mactan Channel hapit na mahuman, diin human niini, mosunod ang self-climbing formworks alang sa pagtukod sa duha ka mga tower.

Nahuman na usab ang estaka kun piling sa support anchors sa main bridge.

Gitrabaho ang estaka gikan sa baybayon padulong sa dagat alang sa cordova viaduct gikan sa temporaryong causeway samtang magpadayon ang pagtukod sa column sa rampa ug pier.

Nagpadayon usab ang embankment work alang sa permanenteng causeway. Sa labing uwahi nga ihap, mokabat sa 1,519 ka personnel ang nagtrabaho sa cclex project.

Ang p30 bilyunes nga cclex project dunay tagduha ka mga lane matag direksyon. (DYARNewsCenter/GO)

Leave a Reply

Your email address will not be published. Required fields are marked *