Scubasurero sa syudad sa Lapu-lapu, 156 kilong basura nakuha

Metro News

Cebu City – Nakuha sa gipahigayong “Scubasurero” ilawom sa kadagatan sa dakbayan sa Lapu-lapu ang moabot sa 156 ka kilo sa basura niadtong miaging miyerkules, Hunyo 12.

Ang nakuha nga mga basura sa kadagatan sa brgy maribago mao ang mga plastik, botelya, plastic wrappers, mga bildo ug uban pa .

Sumala pa ni Konsehal Rico Ampres, chairman sa Committee on Environment, ang kalihukan pagpakita sa tinguha sa kagamhanan sa dakbayan nga mapabiling limpyo ang kadagatan sa mactan sa tanang matang sa basura.

Samtang ang mga kawani sa City Disaster Risk Reduction and Management Office (CDRRMC) ug mga volunteer divers nga gilangkoban usab sa mga langyaw nga divers dungang nanglimpyo sa kadagatan sud sa tunga sa adlaw.

Kini ang ang ikaduhang higayon nga sila nanglimpyo ilawom sa kadagatan karong tuiga. (DYARNewsCenter/Go)

Leave a Reply

Your email address will not be published. Required fields are marked *