Pag-abli sa Inayawan Police station, suportado ni Labella

Metro News

Cebu City – Positibo si Mayor-Elect Edgardo Labella nga matukod ang P5 milyones nga Police Station (PS) 7 sa Barangay Inayawan atol sa iyang administrasyon pinaagi sa pagpadayag kabahin niini.

Kahinumduman nga supak ang kasamtangang barangay officials pinangulohan ni Kapitan Kirk Repollo nga adto tukoron sa unang yuta nga gi-donate sa kanhi barangay council pinangulohan kanhi Kapitan Lotlot Ignacio sanglit makamugna kini og kahuot sa trapiko.

Kahinumduman nga labing dako nga transaksyon sa shabu sa inayawan mao ang 18 kilos nga nadakpan sa kapulisan kansang lugar nahiboan dili layo sa lugar nga tukoran sa PS 7.

Ang Police Regional Office (PRO) 7 pinangulohan ni Police Brigadier General Debold Sinas nangayo og tabang ni Labella para masugdan na ang maong ps sanglit wa sila tabangi ni Outgoing Mayor Tomas Osmeña.

Ang PRO7 nikoral sa kapin 400 metros nga yuta nga maoy tukoran sa PS 7 apan sayo niining tuiga, si Repollo nangunay og pagguba sa koral uban sa iyang mga batangay tanod isip timaan sa ilang pagsupak.

Buot ni Repollo nga ibalhin ang ps didto duol sa ilang sports complex nga kanhi playground diin gamay ang maong dapit itandi sa orihinal nga gi-donate sa barangay.(DYARNewsCenter/GO)

Leave a Reply

Your email address will not be published. Required fields are marked *