Tulo ka Prisohan e dugang sa BJMP sa Central Visayas karong tuig 2019

Regional

Cebu City – Tulo ka prisohan ang dugang ipuno sa Bureau of Jail Management and Penology (BJMP) sa Central Visayas ning tuig 2019.

Kini aron matubag ang suliran sa nagkahuot nga mga pasilidad sa lalawigan sa sugbo.

Sumala ni Supt. Rosalina Malahay, Provincial Jail Warden sa sugbo sa BJMP 7, nakapalit na sila og 26,018 metro kwadrado nga luna nga maoy gitukoran sa Toledo City Jail.

Ang katukoran sa maong pasilidad adunay gitagana nga budget nga moabot sa P42 milyones. Gipaabot magsugod og operate sa ikaupat nga quarter karong 2019 ang maong proyekto..

Nasayran nga masulod sa maong pasilidad ang 500 ka Persons Deprived of Liberty (PDL) o kadtong nagpaabot og hukom o husay sa kaso nga ilang giatubang.

Ang PDL lahi sa mga piniriso kay ang nauwahi mao kadtong nahukman na sa mga korte sa ilang kaso. (DYARNewsCenter/GO)

Leave a Reply

Your email address will not be published. Required fields are marked *