PNP nangamdam sa panahon sa ting-uwan

National News

Cebu City – Andam na ang Philippine National Police kon PNP sa panahon sa ting-uwan diin wala ug tuo ang katalagman nga mahitabo.

Mao kini ang gihimug-atan ni PNP Chief P/Gen. Oscar Albayalde human pormal ng gideklarar sa pagasa ang panahon sa tig-uwan sa miaging adlaw.

Suma sa PNP Chief gikan sa ilang paghatag og seguridad sa milabay nga piniliay ug lain pang mga aktibidad, ila na usab hatagan og prayoridad ang pagtubag sa nagkadaiyang katalagman.

Tungod niini, gibutyag ni Albayalde nga subli nilang buhaton ang mga pagbansay-bansay kalabot sa disaster response arun mahimong andam kun subling mahitabo ang mga trahedya nga nasinati sa nasud sa miaging tuig.

Kahinumduman human naigo ang kusog nga bagyo sa nasud miaging tuig,gimanduan ni Albayalde ang pnp engineering office nga tan-awon ug siguradahon nga lig-on ang tanang mga pasilidad sa kapulisan sa tibuok nasud sa bisan unsang mahitabo nga katalagman. (DYARNewsCenter/GO)

Leave a Reply

Your email address will not be published. Required fields are marked *