Bag-ong Drug Rehabilitation Facility, Gi Turn over na sa Cebu Province

Regional

Cebu City – Pormal ng giturn-over sa Globe Telecommunication ang bag-ong drug rehabilitation facility nga gitawag og New Life Center ngadto sa Cebu Provincial Government sa lungsod sa Pinamungajan.

Kini isip suporta sa maong kompanya ngadto sa gobyerno ilabi na sa ilang kampanya nga tabangan ang mga kanhi biktima sa iligal nga drogas nga mahimong mabungahon nga indibidwal.

Ang maong edipisyo adunay gidak-on nga 2,600 square meter diin ang maong luna gipanag-iyahan sa lungsod sa Pinamungajan ubos sa Cebu Provincial Government.

Anaa sa 930 square meters ang kinatibuk-ang palibot sa lugar nga maka-akomodar og 106 ka mga higdaanan alang sa mga drug dependent sa tibuok lalawigan sa sugbo ingon man usab sa kasikbit nga probinsya.

Suma kang Patrick Gloria, Director sa Globe for External Affair Visayas ug Mindanao nga mukabat sa P50 milyunes ang nahimong budget sa maong pasilidad.

Gitambungan ang maong kalihukan nila Presidential Assistant for the Visayas Michael Lloyd Dino, out going Governor Hilario Davide III ug uban pa nga mga public officials. (DYARNewsCenter/BC)

Leave a Reply

Your email address will not be published. Required fields are marked *