Chief sa Cordova Police Station, gibanhigan-patay

Metro News

Cebu City – Gikan sa duty si Police Chief Master Sergeant Deogenes Carrillo ug padung na mopauli sa ilaha sa Brgy. Punta Engaño, dakbayan sa Lapu-lapu samtang gipusil-patay kagahapon sa lungsod sa Cordova.

Base na sab kini sa inisyal nga pakisusi sa kapolisan nga gipangulohan ni Police Captain Efren Diaz Jr., hepe sa Cordova Police Station. Lagmit sab nga gisundan o gisabayan sa mga gunman, matod pa ni Diaz base usab sa saysay sa mga saksi.

Gibutyag ni Diaz nga duha ka buwan pa lang nga nahimo niyang Deputy Chief si Carillo. Wa kini makahisgot kaniya kalabot sa hulga sa kinabuhi.

Giangkon hinuon ni diaz nga kanhi sakop sa anti-drug unit si carillo sa iyang nangaging mga assignment sa Cebu Provincial Police Office (CPPO) ug City of Naga Police Station sa wa pa madestino sa Cordova Police Station.

Laing gitan-aw sa kapulisan sa ilang imbestigasyon kon wa bay nakaaway si Carrillo sa iyang negosyong pautang o patanto nga 5/6 sa lungsod.

Susihon sa kapulisan ang closed circuit television (CCTV) footage sa dapit nahitaboan. (DYARNewsCenter/GO)

Leave a Reply

Your email address will not be published. Required fields are marked *