Northern Cebu, ipo-promote sa DOT 7

Regional

Cebu City – Hingusgan sa Department of Tourism sa Central Visayas nga mokatap usab ang tourism economic activities sa amihanang bahin sa lalawigan.

Gumikan na sab kini sa pagkamalambuon nga turismo sa habagatang sugbo.

Sumala pa ni Shahlimar Tamano, Regional Director sa DOT 7, nga ang tanang 53 ka mga siyudad ug mga lungsod sa sugbo, dunay mga nindot nga kadagatan, kabukiran ug falls nga wala mahibaw-i sa mga turista.

Ang Carcar nabantog sa art ug cultural tourism apil usab ang mga produkto sama sa ampao, chicharon, bukarilyo, local nga mga sapatos, tsinelas ug uban pa.

Samtang ang Oslob nabantog sa whale shark watching, falls, nindot nga kadagatan ug karong bag-o monkey watching.

Sa falls usab naila ang ginatilan samtang ang bojo river sa aloguinsan.

Nagkanayon si Tamano nga usa sa mga prayoridad ni Tourism Secretary Bernadette Romulo-Puyat nga hingusgan ang pag-promote sa turismo sa northern Cebu sama sa Cebu Safari and adventure park sa lungsod sa Carmen, nindot nga kadagatan sa isla sa Malapascua, sa lungsod sa Daanbantayan; lungsod sa Sta. Fe sa isla sa Bantayan; ug mga lungsod sa San Remigio ug Medellin. (DYARNewsCenter/GO)

Leave a Reply

Your email address will not be published. Required fields are marked *