National ID System, target na masud ang 105 milyones nga mga Pilipino

National News

Cebu City – Target sa gobyerno nga masud ang 105 milyunes nga Pilipino sa National ID System kun hingpit ng ipatuman kini sa 2022.

Sa Pre-State of the Nation Address (SONA) sa Economic and Infrastructure Forum sa PICC sa Pasay, gibutyag ni Sec. Ernesto Pernia, Socio-Economic Planning Secretary ug National Economic and Development Authority (NEDA) Chief, nga gipadali na ang implementasyon sa Philippine Identification System (PHILSYS).

Padayon gihapon ang pagkuha sa nagkadaiyang teknolohiya alang sa Automated Biometric Information System.

Sud sa ID ang pipila ka impormasyon sa usa ka tao sama sa Biometrics, tibuok ngalan, sekso, adlaw natawhan, lugar kun asa gipanganak, blood type ug lugar sa gipuy-an. (DYARNewsCenter/GO)

Leave a Reply

Your email address will not be published. Required fields are marked *