Mga Senior Citizen sa dakbayan sa Sugbo, maghulat pa sa ilang pinansiyal nga tabang

Metro News

Cebu City – Kinahanglang maghulat ang kapin sa 75,000 ka Senior Citizen sa dakbayan sa sugbo alang sa ilang pinansiyal nga hinabang gikan sa siyudad.

Kini gumikan kay ang budget nahurot na sa niaging bulan. Nasayran nga sa P8.1 bilyones nga annual budget karong tuiga, ang siyudad nigahin og P455 milyones alang sa mga senior citizen kinsa makadawat og P12,000 matag usa kanila kada tuig.

Si City Mayor Edgardo Labella mimando sa local finance committee sa dakbayan sa pag-propose alang sa supplemental budget aron pundohan ang paghatag sa pinansiyal nga tabang ngadto sa mga senior citizen.

Naka-record og 75,000 ka senior citizens ang office of the senior citizens affairs kinsa nakadawat sa pinansyal nga tabang gikan sa kagamhanan sa siyudad sa wala pa ang amendment. (DYARNewsCenter/GO)

Leave a Reply

Your email address will not be published. Required fields are marked *