Sherwin Luie Abella gideklarang Nuisance Candidate sa Comelec

Metro News

Cebu City – Giingong Nuisance Candidate si Sherwin Luie Abella kinsa nagpapili pagkakonsehal sa south district sa miaging eleksyon.

Mao kini ang gideklara sa Commision on Election (COMELEC) first division.

Apan sumala pa ni konsehal Raymond Garcia, abogado ug kaalyado ni konsehal Phillip Zafra kinsa nahimutang sa ika-8 nga posisyon, nga dili makaapekto ang desisyon sa first division sa resulta sa eleksyon.

Niduso og petition si Atty. Marie Velle Abella, kinsa nagpapili sab sa samang posisyon ilawom sa Bando Osmeña Pundok Kauswagan (BOPK), niadtong october 22, 2018 pagkwestyon sa kandidatura ni Sherwin luie, kinsa walay partido.

Nasayran sab nga niadtong Nobiyembre 8, 2018, ang commission nipadala og summon sa respondent aron matubag ang petition, apan way nadawat nga tubag ang first division.

Sa gipahigayon nga conference niadtong disyembre 11, ang respondent ug petitioner pulos wa nitunga apan niadtong Disyembre 27, nitambong na si Marie Velle ug iyang abogado. apan si Sherwin Luie padayon nga wala motambong. (DYARNewsCenter/GO)

giingong walay nadawat ang comelec bisan usa sa mga notisya nga ilang gipadala ngadto sa respondent.

Leave a Reply

Your email address will not be published. Required fields are marked *