Liloan Mayor Frasco, napiling presidente sa LMP Cebu Chapter

Regional

Cebu City – Napili isip labing unang babaye nga presidente sa kasaysayan sa League of Municipalities of the Philippines (LMP) Cebu Chapter si Liloan Mayor Christina Frasco.

Tungo niini positibo si Frasco nga mas modaghan pa ang mga lungsod nga makatuman sa Seal of Good Local Governance pinaagi sa pakigtambayayong sa mga municipal local government operations officer.

Atol sa piniliay niadtong biyernes, Hulyo 12, Casino Español de Cebu, naghiusa og botar ang 35 ka mga mayor sa kalungsuran nga diha niadtong tungora gikan sa kinatibuk-ang 44 ug way nakig-atbang ni Frasco isip bag-ong presidente sa lmp ug gihatagan kini og awtoridad sa pagpili sa kinsa ang molangkob sa bag-ong set sa opisyal sa liga.

Suma pa ka ng Frasco nga iyang dad-on ang lmp sa digital age pinaagi sa pagpaila sa innovations sa information technology pinaagi sa ilang kaugalingong website ug application isip maoy tinubdan sa mga mayor subay sa mga pangutana nga ilang giatubang sama sa resolutions sa commission on audit nga gipatuman alang kanila.

Ubos usab sa iyang pagpangulo, iyang natan-aw nga dako og potential nga makatabang sa mga mayor isip potent source aron makahatag og giya sa ilang tagsatagsa ka responsibilidad sama sa pagseguro sa edukasyon sa ilang mga konstituwente, maayo nga health care system ug Social Welfare System. (DYARNewsCenter/BC)

Leave a Reply

Your email address will not be published. Required fields are marked *